Friday 20th of November | २०८३ मङ्सिर ४ शुक्रबार

न्यूज अभियान
हरेक खबर विशेष खबर

चीनसँगको वार्ता रचनात्मक भएको अल्बानिजको भनाइ

न्यूजअभियान | प्रकाशित मिति : २०८३ मङ्सिर ४ शुक्रबार | (रासस-एएफपी)

सेन्जेन (चीन), ४ मङ्सिर : चीनका राष्ट्रपति सी जिनपिङसँगको भेटपछि अस्ट्रेलियाका प्रधानमन्त्री एन्थोनी अल्बानिजले दुई देशबीचको सम्बन्ध स्थिर बनाउन रचनात्मक संवाद भइरहेको बताउनुभएको छ ।

एपेक शिखर सम्मेलनका क्रममा शुक्रबार भएको भेटमा दुवै नेताले द्विपक्षीय सम्बन्धबारे छलफल गर्नुभएको थियो । अस्ट्रेलियाको कुल निर्यातको करिब एक चौथाइ चीन जाने गरेको छ भने फलाम अयस्क निर्यातको झन्डै तीन चौथाइ हिस्सा चीनले खरिद गर्छ ।

अस्ट्रेलियाले चीनसँगको व्यापारिक सम्बन्धलाई महत्त्व दिए पनि बेइजिङको सैन्य विस्तारलाई सुरक्षा चुनौतीका रूपमा लिँदै अमेरिका, जापान र भारतसँग सुरक्षा सहकार्य बढाउँदै आएको छ ।

अल्बानिजले शुक्रबार बेइजिङमा चिनियाँ प्रधानमन्त्री ली छ्याङसँग वार्ता गर्ने तथा रियो टिन्टो र बीएचपीका प्रतिनिधिसहितको व्यापार बैठकमा सहभागी हुने कार्यक्रम छ ।

चीनले फलाम अयस्क खरिदका लागि केन्द्रीय निकाय स्थापना गरेपछि अस्ट्रेलियाले आफ्ना उत्पादकले पाउने मूल्य घट्न सक्ने चिन्ता व्यक्त गरेको छ ।

सन् २०२० मा कोभिड–१९ को उत्पत्तिबारे अनुसन्धान गर्न अस्ट्रेलियाले गरेको आह्वानपछि दुई देशबीच तनाव बढेको थियो । त्यसबेला चीनले अस्ट्रेलियाका कोइला, मदिरा र कृषि उत्पादनलगायत करिब २० अर्ब अमेरिकी डलर बराबरका वस्तुमा प्रतिबन्ध लगाएको थियो ।

अधिकांश प्रतिबन्ध हटाइए पनि महत्त्वपूर्ण खनिजमा विदेशी लगानीको निगरानी र उत्तरी अस्ट्रेलियाको एक प्रमुख बन्दरगाहमा चिनियाँ कम्पनीको हिस्सेदारीलाई लिएर मतभेद कायमै छन् ।

यो खबर पढेर तपाईलाई कस्तो महसुस भयो ?

न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुक र ट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan