करिब २ हजार ५ सय ६६ किलो गाँजा सहित दुई जना पक्राउ
न्यूजअभियान | प्रकाशित मिति : २०८३ असोज १९ सोमबार |
सुनसरी, १९ असोज : इनरूवा नगरपालिका-३ सखुवागाछी चोकबाट अवैध लागूऔषध गाँजा करिब २ हजार ५ सय ६६ किलोग्राम सहित धनकुटा सहिदभूमि गाउँपालिका-२ बस्ने ३३ वर्षीय राजु राई समेत २ जनालाई आइतबार राति प्रहरीले पक्राउ गरेको छ ।
अस्थायी प्रहरी पोष्ट सखुवागाछी समेतबाट खटिएको प्रहरीले ना.७ ख १८२५ नम्बरको ट्रकलाई जाँच गर्ने क्रममा लुकाई छिपाई ल्याएको ८३ वटा बोरामा रहेको उक्त परिमाणको गाँजा फेला पारी ट्रक चालक राजु समेत २ जनालाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
