एसियाली खेलकुदः उसुकी सुम्मिता तेह्रौँ स्थानमा
न्यूजअभियान | प्रकाशित मिति : २०८३ असोज ५ सोमबार |
काठमाडौँ, ५ असोजः उसु महिला खेलको चाङछ्वान विधामा नेपालकी सुस्मिता तामाङले तेह्रौँ स्थान हासिल गरेकी छन् ।
जापानको आइची–नागोयामा जारी बीसौँ एसियाली खेलकुद प्रतियोगिताअन्तर्गत जापानको आइची प्रिफेक्चुरल मार्सल आट्र्स हलमा सम्पन्न खेलमा उहाँले सो उपाधि हासिल गर्नुभएको हो ।
सुस्मिताले ९.५८० अङ्क प्राप्त गर्दै तेह्रौँ स्थानमा उपाधि हासिल गरेको नेपाल उसु महासङ्घले जनाएको छ ।
यस विधामा हङकङकी लिडिया हुई यु शामले ९.७१३ अङ्कसहित स्वर्ण जित्नुभयो । त्यसैगरी मकाउकी, चो मानले ९.७१० अङ्क प्राप्त गर्दै रजत पदक हात पारिन भने इन्डोनेसियाकी युजेनिया दिवा विडोडो ९.७०६ अङ्कसहित कास्य पदक जीतिन ।
